يا امي

الأم

وائل سعيد

يا حبيبتي ياما .. شيلتي الهم
الفرح كان لينا .. وانتي ليكي الغم
دورت علي اسم ليكي .. ملاقيتش غير الام
-----------
يا امي حلمك .. كان اعيش فرحان
وف ليلك تدعي .. تتفتحلي بيبان
عشتي البرد وف حضنك .. بنام حران
تنام عيونك .. وقلبك بخوفك يبات سهران
------------
يا امي تعبك .. تعب قلبي
تقولي الااه اصلي واسجد .. ادعي ربي
يخليكي .. ويحميكي ..تكوني جنبي
--------------
يارب احميها بارك فيها
من الوجع وم الالم
بدعي يارب اشفيها
بدعي يارب احميها
بدعي يااااااا رب ليا وولادي تخليها

سانتظرك واحيا

 سانتظرك واحيا

وائل سعيد

في غيابك تغيب الدنيا

فما عاد الورد ورد وماعادت السماء سماء
قد كنت يوم اعيش بين احضانك
يتراقص نبض قلبي ويشدو بالغناء
قد كنت يوما اتنفس انفاسك
فاشعر بالحياه وتجري في جسدي الدماء
في غيابك تغيب الدنيا
فما عاد الورد ورد وما عاد الفضاء فضاء
قد كنت يوما اعيش بضحكاتك همساتك
كانت عيناك لعيني ضياء
قد كنتي يوما سبب كل افراحي
واليوم اصبحت حياتي بدونك عزاء
يا من جعلتك يوما سبب الحياه
وتكبدت من اجلك كل عناء
اعيدي لي حياتي اعيدي لي نبضاء قلبي
لا تتركيني اعيش كزرع نما وترعرع
ثم منعوا عنه الماء والهواء
حبيبتي ان رحلتي عني فلا تقولي اني راحله
بل قولي الي لقاء
لربما يوما تعودين
لربما يوما يشفق قلبك ويجزل لي العطاء
سانتظرك مهما طال الزمان
سانتظرك واحيا علي امل ان تعودي ذات مساء

خلاص اسكت

 خلاص اسكت

بلاش تقولي ع اللي فات 

وتضحك عليا باللي جاي
بلاش تخدعني قولي يلا 
طب فين وليه وازاي
خلاص اسكت
خنقتني
قرفتني
م العيشه ومنك زهقتني
قلت احلم قلت اتمني
خلاص بقي مفيش استني
كل ما افكر تقولي الجنة
اعيش عيان اعيش فقران 
ولما اتكلم يقولوا كفران
خلاص اسكت
كفرتني
خنقتني
م العيشه ومنك زهقتني
كل حاجه في يوم بتغلي
وانت صوتك دايما اعلي
واللي اتكلم رصاصه ف دماغه
ياعم اقتل يلا وماله
ما انت لاقي اللي بيسقف
واللي بيرقص علي خيبته وحاله

كنت زمان

كان في واحد كنــته زمــــــان

وائل سعيد

كان في واحد كنــته زمــــــان

لقـــــتني ف يـــــوم مبحـــــــبوشــ

قلــــت لنفـــسي حقضــــي عليـــــــه

طـــيب اوي مفهــــــمـــتــــوشـــ

عايش وسط حيتان واســـــُود

صوتــــه واطي متســـمعــــهـــــوش

ضربــــــــه واحده سكـــــت الـــصــــــوت

وانا دلـــــوقتي مبشـــوفهـــــوشــ

طلـــــع الوحش النـايــــم اصله

شافهــــــا دنيـــــــا متستاهـــلــــوش

حزين

حزين والحزن فيك .. ساكن

لون السما في عنيك .. اصبح اكيد داكن

حلمك وضاع ف الهوا .. وقطر العمر بيك راكن

لو ف يوم الدنيا ضحكتلك ... تضحك تقول لكن

اصل انت عارف فرحتك تنتهي بسرعه

ما انت ياعيني حزين

والحزن فيك ساكن

تذكريني

تذكريني

عندما تشرق الشمس كل صباح
عندما تسمعي اصوات العصافير
عندما يهدأ صوت الرياح
تذكريني
عندما يدق قلبك معلنا لحبيبك الحنين
عندما يبكي كل طفل عندما يصرخ الجنين
تذكريني ولا تنسي
اني عشت وساعيش من اجلك السنين
اني تعلمت في بعدك عني معني الانين
تذكريني
فكلها ايام وساعات وستكوني لي
سامتلكك بكل ما فيكي ولا تسالي
كيف ومتي ولماذا
فالاجابه واحده
انتي لي

فيات ولادا موديلات تمانين

فيات ولادا موديلات تمانين

توكتوك وعجلة مكسرين

ناس وماشية م الفقر تايهة

م الجوع شايفهم .. سكرانين

ع القهوة ناس زحمة وكياس

وعامل ماشي شايله فاس

شباب يزعق يضحك يجعر

وواحد يزقه يطلع ينعر

اخلاق زبالة مع انه عالة

ابوه بيصرف وهو يغرف

ع البنات وماشي يضحك يغلس

تقوله عيب عليك يألس

ست وماشية شايلة الخضار

وراجل بينده راكب حمار

بياع يشدك تعالي عندي

بالعافية تاخد كيلو سفندي

ياعم وسع اوعي يا افندي

طابور وواقف ع الفرن شايف

عيش لا ينفع طري وناشف

وطفل يبكي يا ناس ده تايه

راجل كبير يطبطب عليه

يبوسه ويمسح دمعة عنيه

وست تجري وسط الزحام

ابني ياناس ده تاه قدام

ودمعة الفرحة ع الخد تجري

تشكر الراجل ولاهله تدعي

اخوك جعان ع الرصيف

وانت واقف معاك رغيف

تروح وتقسم قلبك نضيف

بياع بليلة م القدرة يغرف

تبص وتمشي معكش تصرف

فلاح ف سوق علي رجله ماشي

دخل الزحمة ومعاه مواشي

بقرة كبيرة داست عليا

ياعم ابعد هناك شوية

بعيد وبان طريق زراعي

جريت وازق رافع دراعي

طلعت حي طلعت شايف

دي مصر سوق والكل عارف

فقر وجهل سنين طويله

ناس غلابة وفلوس قليلة

نفوس وحلوة ونفوس غريبة

تدوس عليك تقولش ديبة

وناس هناك بعيد بتضحك

ترسملك الحزن وتاخده بطيبة

اه يا كفرة خدتو خيري

وبدل شعبي خدو غيري

الامل

الامل ؟

طب ازاي وفين ومين

ده انا عشت حياتي شهور وسنين

لاعارف نفسي ولا عارف انا مين

بمشي شمال معرفش يمين

لا عملت خير ولا قلت امين

تشوف اعمالي تقول شياطين

................................................................

الامل ؟

طب ف مين ؟

ده انا قلبي خلاص مهموم وحزين

كان نفسي اكون من الصالحين

خدتني الدنيا نسيت انا مين

يارتني ارجع تاني جنين

اعمل خير اصلي واكون

من الصايمين

...................................................................

اتوب ؟

استغفر يعني واصلي واصوم

تنام الناس والليل انا اقوم

اطلع صدقة للمحروم

قراني اقراه بدل النوم

معقول ؟

تتشال من قلبي كل هموم

واحلم بالجنة ادخلها ف يوم

ايوة انا عارف رب قلوب

يغفر للناس كل ذنوب

وشرط صغير لازم اتوب

وانا ربي دعاني قالي اتوب

وقلبي بيبكي انا راح اتوب

انا راح اتوب

اه يا زمن

اه يا زمن الحال فيك مقلوب
لانافع معاك عقل

 ولا نافع قلوب
مفيش عندك غالب 

ده الكل بات مغلوب
اه يا زمن بقي النضيف فيك

 يتشاف معيوب
مفيش معاك عنتر 

ده الكل بقي شيبوب
تمشي تطاطي لنفسك تراضي تعيش ع الفاضي بصبر ايوب
يا عقلي تاعبني اقولك كفايه تضحك زياده سنين ما تتوب

بين الحين والحين

خسرتك وخسرت حياتي

وائل سعيد

بين الحين والحين

اتذكر كيف كان بيننا الحنين
اتذكر كيف كان الهوي
وكيف كان قلبي يملأه حب السنين
اتذكر يوما كنا فيه معا
يوما كان يومي لا يبدا الا عندما اراكي
عندما تلتقي يدي وتحتضن يداكي
اتذكر كيف كانت عيناي تدمع اذا ما دمعت عيناكي
يا الله كيف لهذا الحب ان ينتهي
كيف هزمتني ظروف حياتي
كيف استسلمت لضعفي ونسيت ان الحياة لي هي حبك ورضاكي يا لخسارتي خسرتك وخسرت حياتي

عيشها قطة

 يا مصر

للكاتب وائل سعيد محمد

يا مصر مشاكلي معاكي ... انتي
عملتك بنفسي سيدي ...وستي
اسمع لده وده ... يفتي
راضي وساكت يوم تشيلي ... ويوم تحطي
علي مين الوم ما انتي يوم حر ويوم تشتي

قالوا الناس حلوة ومصر دي امن وعلطول بتدي
قلت يا ناس عايزها حرة
قالوا ياعم عيشها قطة
شوفلك رصيف نام ف حتة
مش لاقي الفول طب كولها فته
الناس دي هبله ولا انا مجنون
اقول دي جبنة يقولوا زتون
هو انا مش شايف
ولا الناس بقت كربون
يقولوا فراعنه يقولوا امون
عقول مش شايفه بتتلون بالف لون

 الغلط عندي ولا مين غلطان
طلبت اعيش حر
لقيت ايدي في ايد سجان
سيوني خلاص عايز اعيش
حقف ف طابور واعيش ع العيش
خدوها وعيشو وناموا علي ريش
هو انا يعني كان امتي خدتها
حرجع تاني اديها تطنيش