عيشها قطة

 يا مصر

للكاتب وائل سعيد محمد

يا مصر مشاكلي معاكي ... انتي
عملتك بنفسي سيدي ...وستي
اسمع لده وده ... يفتي
راضي وساكت يوم تشيلي ... ويوم تحطي
علي مين الوم ما انتي يوم حر ويوم تشتي

قالوا الناس حلوة ومصر دي امن وعلطول بتدي
قلت يا ناس عايزها حرة
قالوا ياعم عيشها قطة
شوفلك رصيف نام ف حتة
مش لاقي الفول طب كولها فته
الناس دي هبله ولا انا مجنون
اقول دي جبنة يقولوا زتون
هو انا مش شايف
ولا الناس بقت كربون
يقولوا فراعنه يقولوا امون
عقول مش شايفه بتتلون بالف لون

 الغلط عندي ولا مين غلطان
طلبت اعيش حر
لقيت ايدي في ايد سجان
سيوني خلاص عايز اعيش
حقف ف طابور واعيش ع العيش
خدوها وعيشو وناموا علي ريش
هو انا يعني كان امتي خدتها
حرجع تاني اديها تطنيش